港鐵沿綫樂悠遊 ｜佳節出遊食買玩攻略　辦年貨、買桃花4大特色景點　$2就去到！

正所謂「冬大過年」，22號就係冬至，做完冬又要嗱嗱聲辦年貨、預備團年飯；癸卯兔年1月22日就到，今次為大家介紹多個港鐵沿綫食買玩景點，有樂悠咭嘅朋友只需要$2就可以搭港鐵出發掃貨喇！聖誕同新年期間，港鐵仲會加強指定路綫星期五晚間非繁忙時段同周末列車服務，而平安夜同除夕夜所有本地鐵路綫 (機場快綫及迪士尼綫除外) 同部分輕鐵路綫仲會通宵行駛添，方便大家歡度節日！

景點1：財記花園 — 本地桃花大王，40年從不擺年宵

桃花除咗旺人緣，仲象徵著健康同長壽。位於錦上路、擁有近40年種植本地桃花經驗嘅財記花園，有「桃花王」嘅美譽，加上從來唔擺年宵花墟攤位，唔少商家名人都會特登係農曆新年前買桃花。財記花園種植咗超過800棵桃花，有興趣買100%本地桃花嘅朋友可以過嚟選購！

地址：石崗錦上路

交通：錦上路站C出入口，轉乘72小巴或64K巴士至蓮花地邨

貼心出遊小貼士：錦上路站內設有洗手間，出發前不妨先使用。善用埋MTR Mobile內的「 Next Bus」功能，查閱下一班小巴及巴士到達時間，出遊就更有預算！

景點2：天然椰子號 — 100%椰子水&純人手製作年糕

農曆新年又點少得一底靚年糕？屹立北角半個世紀嘅天然椰子號，椰汁年糕相當搶手，通常過年前兩星期左右先開始接受預訂。年糕用100%椰子水製作，味道相當濃郁，堅持純人手製造，由開椰子到拌粉漿都唔會假手於機器，做出嚟嘅年糕軟糯黏口，令人回味。

地址：北角馬寶道34號

交通：北角站A4出入口，步行約3分鐘

貼心出遊小貼士：北角站內設有免費飲水機，大家記得自備水樽就更環保！

景點3：西營盤海味街 — 海味店集中地

「開年飯」寓意著新一年豐衣足食，所以好多人都會提早準備。德輔道西電車路左右兩邊係海味店嘅集中地，有「海味街」之稱，好多舖頭開業超過50年，除咗鮑參翅肚，仲有花菇、金蠔、鱆魚、蝦乾、髮菜等。每逢過年前都會迫滿辦年貨嘅人潮，嚟呢度可以感受到濃厚嘅節慶氣氛。

地址：西營盤德輔道西電車路左右兩旁

交通：西營盤站A2出入口，步行2分鐘

貼心出遊小貼士：出發掃貨前可以先使用站內洗手間，一切準備就緒就可以安心行街買海味！

景點4：香港冬季購物節及香港冬日美食節 — 大型室內嘉年華

想一次過買齊過節食品同用品？聖誕期間舉行嘅大型購物嘉年華就至啱你啦！場內齊集美容保健、環球美食、珠寶服飾等多個展攤，同期仲有家居潮流博覽同數碼生活及車品博覽，可以一次過行勻4大展覽，仲有群星同你歡度聖誕，滿足晒「吃、喝、玩、樂、買」5大願望！65歲或以上人士及3歲或以下小童仲可以免費入場！

【第20屆香港冬季購物節】、【香港家居潮流博覽】及【數碼生活及車品博覽】

日期：2022年12月24-27日

【第20屆香港冬日美食節】

日期：2022年12月24-28日

地點：香港會議展覽中心

交通：會展站B3出入口，步行約4分鐘；或灣仔站A5出入口，步行約10分鐘

貼心出遊小貼士：善用MTR Mobile內嘅「 快捷出站」功能，就可以快人一步買到心頭好！

港鐵沿綫適合辦年貨同食買玩嘅地方又點止得呢幾個，想發掘更多港鐵沿綫吃喝玩樂攻略同貼心出行資訊，就要立即下載MTR Mobile，以及瀏覽更多「樂悠遊」出遊攻略：

https://www.mtr.com.hk/ch/customer/main/joyyou-trips.html

MTR Mobile 手機應用程式

iOS用戶：https://apple.co/3xCrzGm

Android用戶：

全新「關愛共乘」App　特大圖文 & 簡易介面 路綫資訊一目了然！

港鐵致力推廣社會共融，並積極利用科技為有需要嘅乘客提供更便捷嘅港鐵旅程。最近推出咗專為長者同有需要人士而設嘅「關愛共乘」App，首階段提供「行程指南（簡易版）」和「站內導航（供視障人士使用－會展站試用版）」兩大功能，簡易介面配上特大圖片及文字，同時支援語音輸入法，幫助有需要人士更易規劃路綫。大家可以為身邊有需要嘅朋友下載，令佢地出行更方便！

立即下載MTR「關愛共乘」手機應用程式

iOS用戶：https://apple.co/3NSttcP

Android用戶：

教學短片：

「行程指南」（簡易版??a>

「站內導航??a>

(資料由客戶提供)