月亮降落地球！杜拜月球渡假村完美還原隕石坑洞 將提供平價版「太空旅遊」體驗
2027年月球即將登陸杜拜！講緊嘅就係當地正在籌劃嘅「月球渡假村」，巨大嘅球體外觀模擬月球造型，裡面集集酒店、娛樂、工程科技、太空旅遊於一身，帶畀遊客新奇驚艷嘅體驗。
「月球MOON」渡假村造價高達50億美金，約224公尺高，外型為月球造型，連月球表面上嘅隕石坑洞都照樣還原。渡假村入面預計有4000間套房、水療、健康中心、會議中心、酒吧、購物商場、外星飛船造型夜總會等。
最特別係號稱會提供平價版「太空旅遊」體驗，旅客將會有「在月球上行走」的新奇感受，而酒店房更有「通往宇宙的窗戶」，即使身處地球都可以有星際漫遊嘅夢幻體驗。
渡假村由建築公司Moon World Resorts Inc.興建，預計2027年完工。公司創辦人之一Michael R. Henderson）表示，興建「月球渡假村」係希望為消費者提供可負擔嘅「太空體驗」，太空旅行目前十分昂貴，要價約45萬美元，但係渡假村平均消費只需500美元。而除咗杜拜之外，公司目前仲規劃要響北美、歐洲、中東、北非各建一個類似嘅渡假村！