綠匯學苑免費導賞團 超過120年歷史舊大埔警署 & 必試低碳素食餐廳 (附報名網站)
位於大埔嘅綠匯學苑，前身係1899年落成嘅舊大埔警署，而家已經被列為法定古蹟。綠匯學苑每日有兩團一小時嘅免費導賞活動，參加完導賞團仲可以去埋餐廳「慧食堂」試試低碳飲食，即刻睇下點報名啦！
綠匯學苑將歷史建築群「舊大埔警署」轉化為向大眾推廣永續生活嘅基地，並展示彼此尊重及尊重自然嘅精神。每日兩場嘅古蹟導賞活動主要介紹舊大埔警署內嘅歷史、建築及生態特色，同埋綠匯學苑的綜合保育設計。
除星期二及特定休館日外，綠匯學苑每日都有兩團導賞活動，每團各一小時。有興趣參加嘅島友可以預先響網上報名。
綠匯學苑 (舊大埔警署) 導賞活動
地址：新界大埔運頭角里11號
日期：每日 (除星期二 及 特定日子休館)
上午團：上午11時 至 中午12時
下午團：下午2時 至 下午3時
集合點：紀念花園
語言：粵語（英語或普通話團可在報名時要求安排）
時段：一小時
名額：每節上限30人
費用：免費
建議參加者年齡：6歲以上
查詢：2996 2800 或 greenhub@kfbg.org
網上預約報名：按此
慧食堂奉行低碳飲食 本地食材素菜
綠匯學苑入面嘅餐廳「慧食堂」設於舊大埔警署原有嘅食堂大樓，係昔日駐守警署警員用餐嘅地方。慧食堂奉行低碳飲食原則，主要提供素食輕餐，由新鮮、低碳、當造及公平貿易所得食材烹煮而成，參加完導賞活動，不妨去埋慧食堂一試。
慧食堂
營業時間：早上10時 至 下午5時 (最後點餐時間：16:30)
逢星期二 及 特定日子休館。
用膳時段：
早晨嘆茶時光：10:00 – 12:00
午餐：12:00 – 17:00 (最後點餐時間：16:30)