免費展覽回味舊香港！微縮模型重現60年代建築 & 人工智能增色20世紀舊照片 (附預約方法)
鍾意睇香港舊照片嘅島友，相信以下介紹依個展覽你都會有興趣，因為可以近距離睇到1960年代建築微縮模型，同埋人工智能增色嘅20世紀舊照片，好似親身返到舊香港咁。提提大家，展覽需要提早預約先可以參觀，即刻睇點預約啦！
「香港回憶：香港舊街景縮影及照片」展覽係由芝加哥大學香港校園同兩間機構合作—雲念文化藝術協會同埋OldHKinColour，由即日起至2023年5月15日，展出1960年代建築微縮模型及人工智能增色嘅20世紀舊照，重現20世紀香港建築嘅一磚一瓦，同埋歷史文化，等大家透過街景縮影及照片遊歷舊香港。
預約方法
展覽唔接受未有預約嘅訪客，如果想去參觀的話，記住要響最少兩個工作天前預約。可供預約嘅日期為參觀日前14日內，每個時段為45分鐘。參加名額先到先得，額滿即止。成功預約嘅訪客，將於兩個工作天內收到確認通知電郵。
綱上預約連結：按此
「香港回憶：香港舊街景縮影及照片」展覽
日期：即日起至 2023年5月15日（逢星期二至星期六，公眾假期除外）
地點：香港賽馬會芝加哥大學文物庭院及展示中心
芝加哥大學香港校園
薄扶林摩星嶺域多利道 168 號
綱上預約連結：按此 (須先預約)
活動網站：按此