頂尖龍獅團隊獻技賀新歲：節令鼓/ 旗舞/ 變臉 又一城有得睇 (附演出日期&時間)
新年期間好多商場都換上新春佈置，想感受過年氣氛，行商場都係一個唔錯嘅選擇。又一城同大家喜迎癸卯兔年，特別準備咗喜氣洋洋嘅裝置，仲邀請到屢獲殊榮嘅郭氏功夫金龍醒獅團隊親臨獻技，呈獻旗鼓變臉新春匯演！
由即日起至2月5日，又一城特別呈獻「花團錦簇迎喜兔」，以萬紫千紅為主調嘅新春園藝裝置，巧妙地揉合桃花、牡丹花等時令年花，展現風采萬千的明媚春色，散發富貴吉祥嘅福氣。裡面仲有金兔展現躍動飛舞氣派，寓意兔來運轉，鴻「兔」大展，步步高陞。
本地頂尖龍獅團隊獻技賀新歲
如果想睇本地頂尖龍獅團隊嘅「旗鼓變臉新春匯演」，可以響1月20、21、 28及29日去到又一城，會有郭氏功夫金龍醒獅團隊親臨獻技，一眾表演者將上演節奏強勁的鼓陣及節令鼓，鼓舞飛揚氣勢磅礡；加上一幕幕技藝精湛嘅旗舞，同埋國寶級表演「變臉」，增添新年歡樂氣份。
1. 旗鼓變臉新春匯演
日期：2023年1月20、21、28及29日
時間：下午2時及4時
地點：又一城LG2層
2. 賀新歲醒獅表演
日期：2023年1月27日
時間：上午11時
地點：又一城LG2層