客家圍頭花帶編織體驗工作坊 花帶傳承人親授編織法 (附活動日期&報名方法)
圍頭花帶係客家婦女嘅傳統編織作品，利用帶批挑起顏色棉線，編織圖案不一嘅花紋，最終成為花帶，繫在頭巾、腰間或者圍裙，作為配飾。如果想了解更多關於圍頭花帶，可以睇新書《情意結：香港客家、圍頭花帶文化解碼》，同埋參與編織體驗工作坊。
薄鳧林牧場 X 明愛龍躍頭社區發展計劃會響2月4日舉辦《情意結：香港客家、圍頭花帶文化解碼》新書發佈會暨體驗工作坊。到時除咗有新書製作分享，亦會有花帶衣飾展覽，參加者仲有機會欣賞到承傳人花帶編織示範，同埋圍頭客家歌謠表演。新書發佈會費用全免，名額為100位。每位登記者最多可以同時登記4位參加者進場。
以往客家婦女會編織唔同嘅花帶出席各種場合，或作送禮之用。不過隨住時代變遷，而家仲識編織圍頭花帶嘅婦女並唔多，而且大多都達耄耋之年。響新書發佈會當日，仲邀請到粉嶺龍躍頭花帶承傳人舉行花帶編織體驗工作坊，教授麻子花圖案花帶編織。有興趣參加嘅朋友，請留意以下購票詳情。
1. 《情意結：香港客家、圍頭花帶文化解碼》新書發佈會
日期：2023年2月4日(星期六)
時間：下午2時30分至3時30分
地點：薄鳧林牧場 (香港薄扶林道141A號)
費用：免費
名額：100名 (3歲以上當作一位)
登記參加：按此
2. 明愛龍躍頭社區發展計劃x薄鳧林牧場：圍頭花帶編織體驗工作坊
日期：2023年2月4日(星期六)
時間：下午4時至5時30分
地點：薄鳧林牧場 (香港薄扶林道141A號)
費用：每位$150 + $10平臺手續費
名額：15名 (適合12歲或以上人士參加)
報名參加：
備註：每位成功報名參加圍頭花帶編織體驗工作坊嘅朋友，會自動取得新書發佈會入場資格(一位)，不需要再登記參加新書發佈會