機管局免費送機票｜夏季將贈8萬張機票予香港市民 估計2途徑可獲取
政府「你好，香港！」宣傳推廣活動日前 (2月2日) 正式啓動，以推動香港旅遊業吸引海外旅客，當中仲會有8萬張免費機票，響夏季旅遊旺季送畀香港市民。
機管局宣佈將於夏季送贈8萬張機票予香港市民，雖然現階段仲未有派機票嘅具體詳情，不過坊間目前估計機票會分階段派發，由航空公司同旅行社安排。到時候市民或可透過兩個途徑獲派發免費機票，包括：參加大抽獎及參加由航空公司或旅行社舉辦嘅派發活動。
另外，為吸引旅客再度訪港，刺激本地消費，機管局會向海外旅客派發獲50萬張免費機票及超過100萬份「香港有禮」消費優惠券，用於全港超過130個零售、餐飲、景點消費時兌換禮遇或免費飲品，行政長官李家超形容今次送機票活動可能係世界上最大規模。
