網民自發報料！檢測站 實時排隊情況 睇定邊度少人先去強檢
隨住愈來愈多大廈列入強制檢測名單，自己幾時中強檢似乎只係時間問題，唔想到時候響街排幾個鐘，就快點記低依幾個網站，可以快速知道各個 檢測站 的實時情況。
1. 各區 檢測站 實時情況 (非官方)
網民自發整理資訊，旨在方便大家了解各區檢測站排隊情況，發揮守望相助的精神。資料都放響Google sheet裡，紀錄整齊詳盡，包括：時間戳記、檢測站地點、輪侯人數、檢測攤位數目，版主會隨時更新，只要善用搜尋功能就可以快速知道唔同檢測中心的情況。
雖然政府網站可以睇到各個社區檢測中心的預約情況，但依個非官方整合的資訊就睇到實時排隊情況，方便預約唔切需要現場排隊的人。
相關閱讀：COVID檢測實用連結
2. 社區檢測中心(排隊情報)關注組
新成立的Facebook 群組，由網民自發報料，大家會分享各個檢測站的輪候時間、排隊人數，同埋邊個站有派籌機。由於資料來自各區網民，所以有點分散零亂，不過好多網民會分享邊個檢測站比較少人，可以快速完成強檢。適合想盡快完成檢查，唔介意跨區檢測人士。
3. 各地區臉書群組
幾乎每個地區都有該區的Facebook群組，如果未加入的話不妨加入返，該區居民會響群組分享當區大小事，強檢期間就有唔少網民分享附近檢測站情況。