H&M、ZARA、UNIQLO 舊衣回收計劃 洗乾淨拎去分店就得！H&M任何牌子都收 捐贈二手衣物可換9折優惠券
舊衣回收除咗捐畀慈善機構外，仲可以拎去幾間大型連鎖服務店，就好似H&M、ZARA、UNIQLO都有 舊衣回收計劃 ，幫舊衫重生之餘，仲可以換取優惠券 (限H&M)。
1. H&M
H&M的舊衣回收計劃響2013年推出，任何衣物唔限牌子、不論新舊都可以拎去回收，即使係舊床單、穿窿襪，只要係紡織品就可以拎去H&M分店交給職員。
H&M會將回收的舊衣分類整理，仲可以著的會作為二手衣物出售，至於唔適合再著的，會變成其他產品，例如重製系列或清潔布；而其他紡織品會被撕成紡織纖維，用於製造絕緣材料等。
每次捐贈舊衣給H&M的客人，都可享一件商品9折優惠。
分店位置：按此
2. ZARA
同H&M一樣，ZARA回收各類型的衣物或紡織品，大家可以將唔再用的衣物投進門市的回收箱。ZARA會將捐贈的衣物交給合作組織，令衣物重新。
分店位置：按此 (需揀選有參與衣物回收計劃的分店)
3. UNIQLO
UNIQLO自2006年起開始回收自家商品，只要UNIQLO產品，無論係衫褲定係手袋皮帶等都可以回收。只要將衣物洗乾淨，再響營業時間内送去任何一家分店就得。
UNIQLO同UNHCR（聯合國難民署）及非政府組織等機構有合作關係，將回收物提供給全世界難民及急需服裝的人。
分店位置：按此