北海道旅行遇大地震 回港無期險缺藥物!長期病患去旅行應帶多一倍藥 藥物跟身勿寄艙

資深男演員曾江本月27日被發現返香港響酒店隔離期間倒斃,享年88歲,死因有待調查。曾江晚年因高血壓問題,需長期定時食降血壓藥。據知離世前一日,他曾經表示心口痛唔舒服,要求屋企人送藥到隔離酒店。

長期病患去旅行

雖然目前死因仍未釐清,不過也想提醒各位長期病人士,出門旅遊時要準備充足藥物,千祈唔好只帶所需份量,建議多帶一倍藥以備不時之需。

長期病需服藥人士 出遠門應多帶備用藥物

曾經認識一位有高血壓問題的中年男士,2018年時去北海道旅行6天5夜,帶了剛剛好的藥物份量,整個旅程一開始相當愉快,直到行程的第四天,不幸遇上北海道大地震。地震達6.7級,首府札幌市大停電,本身下塌的旅館無法繼續入住,他和太太跟住本地人去小學體育館避難。他們當然想盡快返香港,但受地震影響,機場全面停飛,唔知幾時重開。更令人憂慮的是,需要定時服用的藥物就快食完,由於歸家無期,他好擔心要被迫停藥影響病情。

幸好日本方面全力搶修,機場好快就恢復運作,而響香港家人全力張羅下,亦確保他們能坐上最快返港的班機,整個過程雖然相當驚險,但總算平安渡過。經歷過依次「難忘」旅程後,依位男士以後去旅行都一定會帶多幾日藥,以防萬一。

長期病人士響出發前應預先點算有無足夠藥物,提前準備,避免出發時先發現沒有藥物。另外,亦可帶一些感冒、腹瀉、退燒、暈船浪藥,以備不時之需。所有藥物應該跟身,避免放在寄艙行李,以免行李寄失時瞬間失去所有藥物。

不過要注意所服藥物係咪需於目的地的管制藥物,建議帶同醫生開立的藥物證明文件。大家可瀏覽各國外交部領事事務局網站,了解當地有無特殊規定,以免誤墮法網。

出門旅遊謹記節制飲食

如果患心血管疾病、糖尿病等,出門在外面對美食也謹記要節制,好好控制進食份量,避免大魚大肉,海鮮、甜品、高脂肪高澱粉食物等盡量少食,旅程中記得多飲水、多食蔬菜水果。同時要保持足夠休息,每日瞓6至8個鐘。

如果係「一人自由行」的話,建議隨身攜帶一張寫有健康狀況、服用藥物、親人聯絡方式的卡片,以防有意外時,其他人都可及時提供幫助同聯絡家人。若對健康狀況有懷疑,建議響出發旅行前先諮詢醫生意見。

相關閱讀:

【曾江突然離世】酒店隔離期間驟逝 享年88歲 曾傳同謝賢交惡 仔女關係一度疏離

50歲血壓 幾多先正常?幫自己量血壓9大注意事項 定期檢視避免變高血壓