fbpx Web Interstitial Ad Example

無論幾歲都有無限可能!93歲英國婆婆為NGO籌款 綁小型飛機半空翻滾 一臉輕鬆大呼過癮

如果你覺得自己已經老了,咩都唔願嘗試的話,不妨睇睇依位高齡93歲的英國婆婆的故事,或者你會有另一番體會,原來無論幾歲,都可以有無限可能。

依位93歲的英國婆婆叫做Betty Bromage,根據《BBC》報導,Betty為了幫當地慈善組織籌款,五度綁響小型飛機上,隨飛機飛上天,並隨著飛機響半空中翻滾,一會兒體驗無重力狀態,一會兒感受3.5倍的重力加速度,真係少點膽量都唔得!

無限可能

不過Betty似乎完全唔驚,仲大呼刺激過癮,好享受依個與別不同的飛行。Betty自87歲開始已經五度將自己綁在飛機上衝上雲霄,今次係第一次體驗隨飛機翻滾的高難度動作,不過完全難佢唔到,飛機著地後她仍然一臉輕鬆,邊個會估到原來她患有關節炎,平時要靠助行車輔助行路,難怪飛行員都大讚她係個了不起的老太太。

Betty的勇氣同善心響當地引發迴響,前後已經為慈善組織籌到約20萬港幣,同時亦向大家釋出一個正面訊息:「只要有勇氣,無論幾多歲都有無限可能!」

相關閱讀:107歲世界最高齡舞蹈家 Eileen Kramer:「保持對世界嘅好奇,會令人忘記年齡。」