蔡瀾指香港 雲吞麵 世界第一：外國生活最掛住 先飲湯再食麵 家鄉味道返曬嚟
雲吞麵由細食到大，可以話係香港人的comfort food。資深食評家蔡瀾先生亦響自己的YouTube頻道《 蔡瀾花花世界》介紹過雲吞麵，更指香港做雲呑麵係世界第一，片中又教大家分辨潮州式同廣東式的雲吞麵，仲分享正確品嚐雲吞麵的方法！
蔡瀾指雲吞麵又稱「細蓉」，係具代表性的香港食物，雖然發源自廣州，但在香港發揚光大，全世界以香港的雲吞麵做得最好水準最穩定，無其他地方可比。蔡瀾更話，響外國生活耐了，第一樣最想念的食物就係雲吞麵。
他分享雲吞麵的正宗食法，係先飲一啖湯，再開始食麵。他指湯底由大地魚、豬骨等材料熬製而成，味道唔係可以輕易做出來，只要飲一啖湯，家鄉味道馬上回來。飲過湯後再食麵，雲吞麵用的是竹昇麵，做法困難，所以千祈唔好睇少一碗麵。
而在香港食雲吞麵，有分潮州式同廣東式，蔡瀾指靠醬料可以分辨出來，因為潮州式係配辣椒油，而廣東式就配余均益辣椒醬。