50歲人生轉捩點 退休前應培養的5大習慣&心態
50歲人到中年，來到人生轉捩點，雖然好多老化現象仲未出現，不過都需要為步入晚年生活做好準備。在退休以前，培養定以下5大習慣／心態，對將來百利而無一害。
1. 培養思考習慣
日常生活其實有好多事情可以思考，例如：假如我係APPLE CEO，我仲會推出甚麼產品？去餐廳食飯時，又可以推算一下餐廳利潤，諗下有哪些地方可以改善……
雖然聽落好似好無聊，但依個甚麼都諗一餐的小習慣，正正可以訓練我們換位思考，從不同角度看待事情，同時令大腦前額葉保持活躍。
2. 著重過程多於結果
唔少人踏入50歲後都繼續讀書進修，有部份甚至考取到專業證書或更高學歷，不過更多人單純係為了興趣而繼續學習，對他們來說，能夠享受學習的樂趣同埋努力的過程，就已經好滿足。
3. 多出外走走保持活力
無論幾多歲，持續活動都係保持活力的關鍵。不過持續活動唔一定代表要做運動(當然做運動都好重要)，平時多出門走走，多同人傾偈都好有幫助，重點係千祈唔好因為怕麻煩而成日匿埋屋企，多走動絕對有助保持健康同活力。
4. 調整心態設定合理目標
人到50歲，或者好多成就已定，有些人耀眼一點，有些低調一點。不過無論點，人生都唔應該係為競爭而活，因為這樣的人生實在太累了，踏入樂齡學會調整心態，不為自己設定過高目標，如果覺得以前的自己一直走錯方向的話，不妨及時改正，努力經營想要的人生。
5. 成為有趣的人廣交朋友
人是群居動物，有人作伴總比孤單一個好。而一般來說，有趣的人通常人緣比較好，大概都無幾多人會鍾意嘮叨說教的人吧。如果想廣交朋友的話，不妨以成為一個有趣好玩的人為目標。
