亞洲素食展2023｜憑樂悠咭／長者咭免費入場 未滿60歲一個方法拎免費門票
亞洲素食展2023將會響2月17至19號假香港會展舉行，憑樂悠咭或長者咭免費入場，而未滿60歲人士，只要預先做一個步驟，都可以免門票入場！
亞洲素食展係香港最全面嘅素食及綠色生活展覽會，上年更有超過600個素食及純素、綠色生活、天然及有機嘅品牌參加，展出超過5,000種食品、產品同服務，今年同上年一樣，亦會聯乘多間素食餐廳同商店推出展會期間限定優惠。
展會內除咗有多元嘅素產品之外，仲會舉辦各種精彩活動，例如「素食廚房」，等大家跟素食大廚學煮素，仲有多場健康講座、素食咖啡創作比賽同工作坊，跟一眾綠色生活達人學健康生活小貼士。
未滿60歲一個方法拎免費門票
年滿60歲或以上人士，只要憑「樂悠咭」或「長者咭」就可以免費入場。而未滿60歲人士，只要預先響亞洲素食展2023官網登記，亦可免費入場。(按此登記)
亞洲素食展2023
日期及時間：
2022年2月17-18日 11:00-20:00
2月19日 11:00-19:00
地點：香港會議展覽中心 – 展覽廳3FG
票價：$25 (11歲或以下小童，及60歲或以上「綠悠咭」或「長者咭」持咭人免費入場)
官網：按此