牙齒健康關係到晚年幸福！唔想50歲就甩牙？8個中年口腔護理貼士你要知！

牙齒健康關係到晚年生活係咪開心，不過香港有9成人都有唔同程度的牙周病，50歲以上人士好多仲因為咁而要剝牙。想牙齒健康陪自己到老，就要留意以下幾個 中年口腔護理 貼士。

好多人誤以為年紀大了，牙齒就會自然脫落，所以唔需要特別保養，但其實如果保持到良好的口腔健康習慣的話，係可以預防牙齒脫落的。牙齒剝落唔單止影響進食，繼而造成生理健康問題，亦會對心理、社交、自我形象等構成負面影響。

 

8個中年口腔護理貼士

1. 餐後清潔口腔

除了最基本的每日早晚刷牙外，最好每次進食後，都飲用清水或用清水潄口，如果可以的話，也可在餐後刷牙。

2. 慎選牙刷

市面上有多款牙刷，大家要從刷頭大小、刷毛質地去揀啱自己用的牙刷。刷頭理想長度約25mm，刷毛質地必須柔軟，亦應定期更換牙刷。

3. 選擇含氟化物 (Fluoride) 的牙膏

研究發現，每日用含氟化物牙膏刷牙，可以減低蛀牙率達30%或以上，證明含氟化物牙膏有助預防蛀牙，大家揀牙膏時可以留意有無含氟化物。

4. 定期洗牙

建議每半年至一年洗一次牙，洗牙除了去除牙結石外，仲可以及早發現有無蛀牙，早發現早填補，預防蛀牙後遺症出現。

5. 避免高酸性食物

酸性食物例如檸檬茶、汽水、紅酒、帶酸性水果等等，都會損害珐琅質，令牙齒變得十分敏感，進食冷熱酸甜食物或飲品時，都會感到痳痺刺痛。要預防敏感性牙齒，應避免酸性食物。