玫瑰花燈海2023｜添馬公園LED紅藍白玫瑰花燈　璀璨浪漫打卡必去

近日見到唔少網友分享添馬公園有一大片玫瑰花燈海，超過一萬朵LED玫瑰花組，紅白、藍白相間，響立法會大樓同政府總部襯托下，璀璨又浪漫。

根據民政事務總署Facebook，玫瑰花燈海將會展示至3月底。

2016年時，中西區海濱長廊同添馬公園亦曾經展出多達25,000朵LED白玫瑰花燈海，當時就全白花海，今次則多咗藍色及紅色玫瑰花燈。

亮燈時間方面，2016年的花燈海每晚6點至11點亮燈。不過早前有網友指，今次嘅玫瑰花燈海夜晚10點就會熄燈。由於未有官方公佈嘅亮燈時間，建議島友最好響夜晚10點前到達，以拍下燈海最靚嘅一面。