參觀薄鳧林牧場 ｜個人訪客毋須預約入場　指定日子有免費導賞團 (附報名連結)

好消息！薄鳧林牧場宣佈，個人參觀毋須再預約，直接到場就可免費參觀。想了解更多牧場歷史，仲可以參加免費導賞，即刻睇更多詳情！

以往想去薄鳧林牧場，都必須網上預約，好多時更要留意住牧場幾時開放預約連結，睇實時間報名。不過牧場宣佈放寬參觀安排，由 2023 年 11 月開始，個別訪客不需預約參觀；12 位以上的團體預約，先需要網上預約。

牧場都提醒大家，由於牧場會不時舉辦私人活動而暫時關閉，建議大家到訪前先查看牧場網頁最新消息，以免摸門釘。