fbpx Web Interstitial Ad Example

日本色彩分析師分享 成熟女性職場穿搭3大技巧 運用色彩營造出優雅高級感

今日想介紹一個日本時尚達人——日比理子畀大家認識,佢係一位blogger、造型諮詢師、色彩分析師,著有多本關於時尚造型的書籍。她的職場穿搭技巧好值得各位女性參考,唔一定要下下大灑金錢,運用平價的服飾,只要配搭得宜一樣可以穿出高級感。

日比理子好多造型都係著UNIQLO或GU等相對便宜的品牌,她認為只要揀啱衣服、配件,學習穿搭同配色技巧,平價衣服都可以營造出優雅時尚的氛圍。以下係日比理子的幾個穿搭技巧:

1. 同一色系不同明暗

理子經常著粉紅色、紫色等亮麗搶眼的顏色,依種顏色不易駕馭,一唔小心好易得老土,甚至睇落老了十年。理子的穿搭原則係「同一色系不同明暗」,例如深啡色西裝外套,搭配粉紅西褲,而鞋同手袋則選擇淺啡色,由於所有物品都同色系,可以予人一致、穩定的感覺,亦顯出色彩配搭的用心。

職場穿搭-同色系

2. 單色調穿搭

理子有時鍾意全身都以同一色調穿搭,軍藍色大褸配襯深藍色碎花長裙。單色調的好處係令整體造型統一,避免了撞色所產生的眼花撩亂,容易營造出高級感。

職場穿搭-單色調

3. 鮮豔色展現氣質

好多人踏入中年以後,只敢著低調的黑白灰色,但理子從來都唔驚挑戰鮮艷顏色,她認為鮮色只要同穩重的顏色襯埋一齊,就可以輕鬆展現女性化的魅力。例如深藍色配上橙色長褲,又或者係鮮黃色上衣襯杏色長褲,醒目得來又唔會俗氣。

職場穿搭-鮮艷顏色

職場穿搭-鮮艷

相關閱讀:50歲後,衣櫃必備的3條黑色褲!輕鬆轉換各種造型 變出慵懶風、幹練感、休閒服