長者咭2023｜滿65歲點樣申請長者咭？3個途徑 逐個step教你做！

踏入65歲的香港居民記得去申請長者咭，就可以享用政府部門﹑公共運輸機構同埋唔同商戶提供的優惠票價﹑折扣同優先服務。申請長者咭費用全免，第一次申請長者咭有3個途徑：親身申請、郵寄同網上辦理，而家就逐個step教大家點做。

無論用邊個申請方式都好，都必須準備好依3樣文件：

• 已填妥的申請表
• 近半年彩色證件相片一張
• 有效香港智能身份證副本

1.親身申請

合資格申請人只需帶齊文件，辦公時間內親身去長者咭辦事處申請，辦事處會即日處理個申請。如果係請親友代辦，辦事處會登記代辦人資料以作紀錄。