快樂順景聯營重開！兩間40年老店銅鑼灣融合新舊元素：忌廉筒/紅豆沙翁/特色菠蘿包

又有好消息！舊年陸續宣佈結業的快樂餅店和順景茶餐，今年5月合拼重開，繼續將懷舊味道傳承下去之餘，亦加入新派元素，大家有無興趣去試試呢？

快樂餅店和順景茶餐廳於70年代在灣仔開業，有至少40年歷史，兩間店舖舖位相鄰，是不少灣仔街坊的回憶。快樂餅店售賣麵包糕點，更有愈來愈少見的懷舊忌廉筒；而順景茶餐廳則賣傳統茶餐廳美食，招牌是焗豬扒飯。

兩間老店去年7月相繼結業，令不少食客大感可惜，藝人林海峰更在社交平台發文表示：「從前一件快樂蛋撻再一杯順景茶走，今日不再順景然後再見快樂…」。

快樂餅店和順景茶餐廳見街坊的不捨，於是決定將融合兩店特色，以聯營的方式重新開業，於今年5月登陸銅鑼灣。新店除了繼續傳承快樂餅店和順景茶餐廳的傳統滋味外，同時增加了不少新產品，包括：快樂自家手製懷舊忌廉筒、紅豆沙翁，順景招牌的焗豬扒飯等；新產品方面則有特色菠蘿包系列、孜然生炸雞髀等。