fbpx Web Interstitial Ad Example

唔知幾時中強檢! 執定「強檢走路袋」 必備5樣物品 輕鬆渡過排隊時間

香港疫情持續,好多大廈都納入強檢名單,身邊唔少親戚朋友都中過強檢,閒閒地都要排幾個鐘去做檢測,寒冬下響戶外企幾個鐘真係唔簡單,不妨執定「強檢走路袋」,做好萬全準備應對突如其來的狀況!

強檢
圖片來源:社區檢測中心(排隊情報)關注組

「強檢 走路袋」必備5樣物品

1. 摺櫈

網上相片流傳,多個社區檢測中心大排長龍,好似深水埗白田檢測站,龍尾排到去龍翔道,人龍長達一公里,更有網民話排足7個鐘!企咁耐真係好辛苦,如果要去多人的檢測站,記住自備摺櫈,坐住等好過企住等。

2. 保暖衣物

下星期氣溫去返十幾度,響戶外排咁耐隊,記得要著夠衫,戴埋頸巾同帽就萬無一失,唔怕吹到頭都痛。怕凍的朋友最好帶埋暖包,以備不時之需。

3. 雨遮

落雨可以擋雨,陽光猛烈時可以遮太陽,遇著大風寒冷的日子都可以用來擋一擋風,用途十分廣泛。

4. 消毒酒精噴霧

排隊時人同人之間距離比較近,帶定消毒酒精噴霧,定時消毒雙水,同埋記住雙手唔好亂摸眼口鼻。

5. 手機尿袋

最後亦係最重要的一樣品物就係手機尿袋,排咁多個鐘咁悶,要靠睇Youtube、Facebook解悶,亦需要用手機同家人朋友保持聯絡、接收最新情況。長用手機好食電,帶定尿袋充電就萬無一失!

 

相關閱讀:強制檢測下新行業 代排隊服務每個鐘$160 退休人士敢唔敢入行?