西環76歲婆婆被車撞完再輾，香港仲有冇人道？

[Boris Lee]

婆婆過馬路先被垃圾車撞飛，未起身再遭私家車輾過，兩司機不顧而去。睇CCTV真係心寒！垃圾車司機趕收工衝燈，私家車掛住睇手機，成個社會冷血到極點。但歸根究柢係道路設計離地：綠燈得15秒，後生都未必夠時間過，何況長者？

法律太廢先縱容兇徒！現行危駕導致嚴重傷害最高監禁7年，但實際判監率得三成。今次兩個司機被捕仲大條道理話『見唔到人』，我建議修法：不顧而去直接當謀殺未遂，睇吓仲有冇人敢走佬！