【樂齡行山】河背水塘家樂徑　山林中小湖泊＆全港少見S型水壩　平坦泥路1小時行完

今次【樂齡行山】同大家分享一條輕鬆簡單的家樂徑路線——河背水塘家樂徑，大部份路段都係平路，一小時行得完，仲可以睇到本地少見的S型水壩！

河背水塘是元朗八鄉一個灌溉用水塘，位處大欖郊野公園內，用作灌溉新界西北部農田。相比大型水庫，它更像山林中的小湖泊，水源充足時，沿岸層層綠林和湖中小島，十分像潛在水中的千年大海龜，只露出翠綠的龜殼。