前列腺肥大｜50歲後超過一半男性尿頻，80歲以上更痛苦！6大預防方法你要知！
前列腺肥大係男性年齡增長後常見嘅健康問題，特別係50歲以後，超過一半男性都患有前列腺肥大症，而80歲以上嘅男性更約有9成曾遇過依個問題。到底咩原因導致前列腺肥大？又可以點樣預防呢？
前列腺肥大形成原因
隨住年齡增長，前列腺組織可能會增生，亦即細胞變多嘅意思。目前增生原因尚未確定，但普遍認為係老化造成荷爾蒙不平衡所引起。
當前列腺組織增生時，會導致前列腺體積增大，進而壓迫膀胱同尿道，導致尿道阻塞、尿頻、尿急、尿痛等症狀。
6大方法預防前列腺肥大
1. 多飲水
多飲水可以促進排尿，有助清除體內廢物和毒素，避免尿道阻塞。
2. 均衡飲食
多食蔬菜同水果可以降低前列腺肥大嘅風險，而含有高脂肪、高糖食物則會增加風險。另外，有研究發現，飲用大量茶、咖啡，以及適量進食深海魚肝油，都可預防前列腺肥大。
3. 適量運動
運動有助改善膀胱排尿功能，並增強腎臟功能。
4. 注意體重管理
研究指出，肥胖者患前列腺肥大嘅機會大增，年過50歲後仍努力管理體重，將BMI維持在正常範圍內，即18.5-24。
相關閱讀：想知自己係咪標準體重？輸入3項資料 即可自動計算體重指標 (BMI)
5. 避免久坐
長時間坐著會壓迫膀胱，增加前列腺壓力，所以應避免久坐，要不時改變坐姿或站立。
6. 定期身體檢查
50歲以上嘅男性應該定期進行前列腺檢查，以及早發現同治療。
雖然前列腺肥大係常見嘅男性健康問題，但透過適當預防措施同早期檢查，可以有效降低發生風險。男性應該多注意健康，做好預防工作。
