TreasureDo Whatsapp Group

美國FDA批准!「抗老花眼藥水」一滴改善視力 有效長達10個鐘

即將50歲老花搵上門,之前只能靠老花眼鏡或者漸進式鏡片,始終比較唔方便。不過最近有好消息!美國食品藥物管理局 (FDA) 核准首款「抗老花眼藥水」上市,只要滴一滴,15分鐘就可以恢復視力,而且有效持續6至10個鐘!

老花令眼睛無法聚焦近距離景物,睇書、玩手機時成日睇唔清。抗老花眼藥水Vuity首席研究員George Waring話,眼藥水係幫助眼睛利用自然能力來縮細瞳孔,令雙眼自動調節聚焦,在正常光線下,可以改善近距離和中距離視力,而不會影響遠距離視力。所以只要滴完眼藥水,就可以正常玩電話 (近距離)、用電腦 (中距離),抬頭望遠方亦一樣無問題。

抗老花眼藥水現時售價約80元美金,可使用30日。兩隻眼每日滴一滴,15分鐘就可以恢復清晰視力,有效6至10個鐘,藥廠建議持續滴一個月先會有最佳效果。不過,抗老花眼藥水目前只適用於輕度至中度病例,所以最啱40至55歲有老花症狀的人使用,而65歲之後因為眼睛退化,即使用抗眼藥水效果也未必佳。另外,滴眼藥水後亦不建議晚間開車或在光線不足的地方活動。

相關閱讀:60歲以上要留意!長用手機可致乾眼症 教你保養眼睛之道