檸檬水 可凍齡護膚？又平又簡單 飲檸水5大好處
韓國女星河智苑分享過自己靠飲 檸檬水 來護膚，甚至有人認為飲檸水有助肌膚凍齡。究竟一個平平無奇的檸檬，係咪真係有咁神奇功效呢？
檸檬蘊含豐富營養，除了人人都知道的維他命C之外，仲有維他命B1、維他命B2、菸鹼酸、鈣、鎂、鉀等等，而檸檬皮亦含有植化素，有助抗氧化。香港人平時成日飲檸檬茶 檸檬水，都係健康的飲品，不過當然要走糖啦，而且比起茶，更推薦飲 檸檬水！
檸檬水 5大好處
1. 補水排毒
成年人每日需要攝取的水量係「體重 (KG) X 30-40ml」，以一個50公斤的女性來說，就要飲2000ml水。補充足夠水份先可以令身體維持正常代謝，排走體內毒素同宿便。有時飲水飲到悶悶地，味道清爽的 檸檬水 可以增加飲水意欲，幫你攝取足夠水量。
2. 維他命C對抗自由基
檸檬有豐富維他命C同植化素，維他命C係最重要的抗氧化劑，而植化素可以強化抗氧化功能，有助提升免疫力，減少自由基對細胞的破壞，對美顏護膚好有用。另外，維他命C有助降低心血管疾病、中風同高血壓等問題。
3. 養顏護膚
維他命C作用多籮筐，除了以上好處外，仲有助減少皺紋出現，亦可以避免皮膚乾燥，同減輕陽對皮膚的傷害，所以有人認為飲檸水有助凍齡。
4. 抗氧化劑助減肥
根據動物實驗的研究顯示，檸檬裡面的多酚抗氧化劑明顯有助降低實驗老鼠的體重，同時可減緩減緩血糖濃度。雖然仲未有足夠人體實驗證明檸檬有助減肥，不過的確有唔少人都相信減肥期間飲 檸檬水 係有用的。
5. 鉀離子去水腫
檸檬蘊含鉀離子，可幫助排出體內的鈉，有利尿功能，同時改善水腫。如果平時飲食口味比較濃同鹹，身體會積聚比較多鈉，飲檸水就正好幫助調節體內平衡。