植物性飲食長壽祕訣！挪威研究：三餐多食豆類、全穀物、堅果 可以長命13年
飲食同壽命有直接關係，有挪威科學家就證實，植物性飲食長壽秘訣。至於咩係「植物性飲食」？睇落去就知道！
營養均衡的飲食，可以令身體健康，而成日食加工食物、精製澱粉質，則有機會令身體慢性發炎 (相關閱讀：改善身體慢性發炎 避開5大發炎食物)。
植物性飲食長壽秘訣 三餐多食3類食物
挪威最近有研究證實，多食素比多食肉更加能夠延年益壽。如果20歲開始每日三餐都多食「植物性飲食」，取代精製澱粉質、加工食物、高脂高鈉為主的飲食，男性最多可長命13年，而女性則可以長命10年。
挪威卑爾根大學的科學研究團隊，研究200幾年以來，全球人口死亡原因，以及疾病同飲食的相關性，並進行大數據分析之後，發現多食豆類、全穀物同堅果類食物，不論男女都可以多存活2年左右。想活得健康又長壽，每日三餐要注意飲食，多食以下3類食物有助長命百歲。
- 豆類：青豆、扁豆等
- 全穀物：完整未經精緻化的穀粒，如糙米、全穀物麵包等
- 堅果類：核桃、杏仁、開心果等
80歲先改變飲食習慣 都可以增加3.5年壽命
研究團隊強調，愈早改變飲食習慣，愈明顯改善健康，最好20歲開始注意飲食，戒掉高脂高鈉、紅肉同加工食物，多食蔬果、全穀同堅果，壽命可以增加10年以上。不過就算人到中年改變飲食習慣都唔使太過擔心，研究團隊話即使80歲先開始植物性飲食，都仲可以增加3.5年壽命。大家點睇呢？會唔會為了長命一點而放棄其他美食，只係食素呢？分享給朋友一齊討論下！