50歲睡眠時間 瞓太多或太少會影響壽命? 65歲以後瞓5個半鐘可延緩大腦老化?

踏入50歲之後,睡眠時間愈來愈短,成日瞓唔夠 8 個鐘就自動醒,擔心會影響健康…… 究竟 50歲睡眠時間 要幾多先夠呢?有專家話,唔同年齡的最佳睡眠時間各有不同,唔係話瞓足 8 個鐘就係最好。

50歲睡眠時間

50歲睡眠時間 :瞓幾多先係最健康?

30 至 64歲 成年人:每日瞓 7 個鐘左右

成年男人需要 7 小時睡眠時間,而女性就需要 7.5 小時左右。夜晚 10 點到清晨 5 點係優質睡眠時間,人體響依段時間容易進入深層睡眠,有助減低疲勞,所以最好響依段時間入睡。

芬蘭一項長期研究發現,每日瞓唔夠 7 小時的男性,比睡 7-8小時的男性死亡機會高出26%,女性則高出21%。但瞓太多一樣有負面影響,瞓超過 8 小時的男性,比睡 7-8 小時的男性死亡機會高出24%,而女性就高出17%。

另外,提醒大家千祈唔好捱夜,因為捱一晩夜對身體造成的傷害,要補眠返好幾日先可以修復,而且容易加速老化。

65歲以上樂齢人:每日瞓 5.5 – 7 個鐘

65歲以上人士應該每晚 12 點前就要瞓覺,睡眠時間有 7 小時已經足夠,最短 5.5 小時也可以,有助延緩大腦老化。如果係瞓得太多或太少,都有可能導致專注力降低,或認知能力變差。

身體新陳代謝隨住年紀而降低,65歲之後好多時都會覺得朝早無咩精神而需要小睡,但如果小睡次數過多,會影響夜晚睡眠質素,無法維持正常的睡眠周期。建議養成白天運動的習慣,有助夜晚長時間睡眠。

午睡對身體有益嗎?

每日小睡片刻可有效鍛鍊腦力,建議每日午餐後一小時午睡,瞓半個鐘左右就夠,因為時間太短無辦法好好休息,時間太長又會影響晚間睡眠質素。

相關閱讀:簡單方法鍛鍊腦力!每天小睡片刻就有神奇功用