TreasureDo Whatsapp Group

又平又有營養!適當地食可預防中風腦退化 4大 紫菜好處 每日食幾多先夠?

一片平平無奇的紫菜,原來蘊含住豐富營養,好多人以為食紫菜就會變「大頸泡」,但其實只要食得恰當, 紫菜好處 多多,係一種又平又有營養價值的食材!

紫菜好處

紫菜所含的礦物質維他命比一般陸地生長的蔬菜都多,4片紫菜 (約重2.5g) 就已經提供足夠的維他命A、維他命B雜、鈣、鎂、鈷、硒、碘、鐵,同埋蛋白質,適量進食仲可以預防疾病。

適量進食紫菜 預防4大疾病

1. 預防腦退化

紫菜蘊含豐富EPA,即Omega-3的一種,有助防止腦部退化、保持血流暢通,同埋降低發炎反應,有助紓緩類風濕性關節炎。EPA常見於吞拿魚、秋刀魚、鯖魚等。由於人體唔識自己製造EPA,所以可以由以上魚類或紫菜中吸收。

2. 預防中風

葉酸係促進腦部成長,令腦細胞同血管保持年輕的重要營養,吸收足夠葉酸有助減低中風同患上腦退化的機會。一般認為菠菜係含最多葉酸的食物,但其實紫菜蘊含的葉酸係菠菜9倍!葉酸會溶於水,響煮食過程中容易流失,但因為紫菜水分含量低,葉酸成分得以大量保存,更好被人體吸收。

3. 預防心臟病

紫菜含有大量牛磺酸,牛磺酸可以減少壞膽固醇,新增心臟毛細血管,有助回復心臟機能,預防動脈硬化、心肌梗塞等心血管疾病,另外亦有強肝作用。

4. 防便秘、穩定血糖

紫菜裡面的膳食纖維相當豐富,能令腸道內益菌的活動増加,有助維持腸道健康,加速腸道蠕動預防便秘;另外,膳食纖維唔會被腸道吸收分解,所以唔會令血糖上升,有助穩定血糖。

每日2-3g已足夠一日所需

正常成人每日食用紫菜的份量建議係2-3g,因為紫菜含碘量高,每100g紫菜就有4332微克碘,但人體每日所需的碘約120微克,所以每日只需要進食2-3g紫菜已能夠滿足人體一日所需的碘含量。

由於碘同甲狀腺息息相關,長期過量進食紫菜,可能會引起甲狀腺疾病,所以要注意食用份量。

相關閱讀:檸檬水 可凍齡護膚?又平又簡單 飲檸水5大好處