搵食譜搵到去墳墓？美國女子跟「墓碑食譜」重現美味 傳承往生者手藝獲網友激讚
香港的墓碑一般只會刻上往生者的資料，但原來美國的墓碑，有時會刻上往生者拿手菜式的食譜。美國一名女子就響一次到墓園實習時發現一位往生者的曲奇食譜，跟住做竟發現好好味，自此開啟了她尋覓「墓碑食譜」之旅。
33歲的Rosie Grant就讀馬里蘭大學 (University of Maryland) 的圖書館及資訊科學碩士，舊年去華府的美國國會公墓實習時，留意到某個墓碑上刻有擠花曲奇的食譜，好奇的Grant於是影低食譜，然後跟住整作。
不過由於食譜上只有材料並無詳細做法，Grant只能靠自己摸索，但估唔到製成品竟然超級好味，她於是將獲得食譜的過程同曲奇成品放響社交平台同大家分享，好快就得到熱烈迴響，獲得超過450萬個讚，甚至唔少人都問她拎食譜。
此後Grant就開啟了尋找「墓碑食譜」之旅，由焦糖朱古力、脆皮水蜜桃餡餅、蜜棗堅果麵包到美式烤肉餅，Grant都跟住食譜做過。
Grant在社交平台分享製成品和食譜時，都會標記食譜係出自邊度，例如美式烤肉餅食譜就係來自一位安葬在德州、名叫Beverly的女性；而擠花曲奇食譜就係來自紐約的Dawson女士。Grant亦會帶著製成品重回墓地，因為她深信，這些刻在墓碑上的食譜，必定係往生者生前的拿手菜式，她希望藉此紀念往生者，同時將其手藝傳承下去。
如果你有日離開世上，又會唔會想將自己最引以為傲的食譜刻在墓碑上呢？
