fbpx Web Interstitial Ad Example

榮升老爺奶奶,點同新抱女婿相處?過來人分享4大心得 增進婆媳感情

唔少樂齡朋友都開始做人老爺奶奶/外父外母,同仔女另一半相處,以下收集幾個前輩分享,等大家響學做老爺奶奶的路上,大家又認唔認同呢?

同新抱/女婿相處4大心得

1. 距離的美

依點係最多人提到,好多樂齡朋友都認為仔女結婚後,最好搬出去住,千祈唔好同住,因為大家生活習慣唔同,同新抱/女婿同住可能會產生磨擦,令多方都唔開心。保持適當距離,定期見面就得,大家都開心。

2. 不干涉

依一點係第二多人提到,認為仔女結婚後就係同另一半成為一個「家」,而唔係對方「嫁入自己屋企」,後生的事就由他們自己解決,唔好管他們的家事、感情事,不干涉下一代生活,顧好自己就夠了。

3. 互相尊重

好多樂齡朋友會當新抱/女婿係仔女咁看待,但「我當你係女/仔」可能包含了管束對方的意思,所以有些樂齡前輩建議,即使真係咁諗都唔一定要講出口。亦有樂齡前輩話,可能將新抱/女婿當成係朋友,或者單純係仔女的另一半就更加好,只要大家互相尊重就無問題。

4. 同理心

如果遇到夫妻響自己面前吵架,最好當聽唔到,唔好加多加意見。邊有唔鬧交的夫妻?就算我們自己都曾經同另一半吵鬧過,當時都唔鍾意另一半的父母介入,今日自己做人老爺奶奶,抱持同理心,唔主動介入下一代的爭吵,等他們自己解決。

最後,好多樂齡前輩都記得榮升老爺奶奶的各位要記得,仔女結婚後有多一重身份,係別人的老公/老婆,我們將仔女養育成人已完成了父母責任,為仔女成家而感恩,接下來都要開始為自己的人生規劃,培養興趣、保養身體、經濟獨立,唔好太過依賴下一代。

相關閱讀:

與仔女另一半初見面 避開4大地雷話題

樂齡過來人經驗:初次與子女另一半見面 不要約在屋企