【中年老花】保養漸進鏡片 8大正確步驟　仲用眼鏡布直接抹？定期用洗潔精清洗可延長鏡片使用壽命

大部份人響40至50歲開始有老花，如果本身有近視的話，好多人都會選擇配戴漸進鏡片，一次過解決睇遠近境的煩惱。一對好的鏡片都唔平，想延長鏡片使用壽命，就要跟住以下保養漸進鏡片的8個步驟去做。

想避免鏡片被刮花同受損，就要定期用正確的方式清潔，避免用粗糙的布料去擦拭鏡片。

保養漸進鏡片 8大步驟

1. 先清潔及擦乾雙手

清潔眼鏡前，先用無lotion成分的洗潔精洗手，並用珊瑚絨毛巾抹乾，以免手上的污垢、lotion整污糟鏡片。

2. 在水龍頭下輕輕沖洗眼鏡

用水沖洗鏡片係一個溫和的清潔方法，可以沖走鏡片上的灰塵同其他雜質之餘，亦能避免刮花鏡片。另外要注意水溫，不應使用熱水以免破壞鏡片膜層。

3. 在鏡片上各滴一滴洗潔精

在兩塊鏡片上各滴一滴不含lotion成分的洗潔精，由於洗潔精通常都好濃縮，所以用一滴已經好足夠。

4. 用手輕搓鏡片及眼鏡

用指尖輕搓幾秒，確保鏡片同眼鏡框每個部分都清潔到，特別注意鼻托、鏡片邊緣同眼鏡框連接的部分，依兩個地方容易積聚灰塵同皮膚，要好好清潔。

5. 徹底沖走洗潔精

用水沖洗鏡片同成個眼鏡框，徹底沖走洗潔精。

6. 輕輕揮動眼鏡，甩走水珠

先揮動眼鏡，甩走大部份水珠，剩餘的再用布抹乾。

7. 用乾淨的眼鏡布或珊瑚絨毛巾抺乾眼鏡

粗糙的布會刮花鏡片同鏡框，宜用乾淨且柔軟的眼鏡布或珊瑚絨毛巾來擦乾眼鏡。

8. 再次檢查鏡片

如果發現仲有條紋或者污跡，可以用乾淨的超細纖維布再次抹鏡片。