日本高齡護老院招聘0至3歲BB職員 每星期返工一個鐘 已有30名「員工」投入工作
日本北九州市一間高齡者護老院「もやい聖友會」貼出徵人海報，不過並唔係尋找專業的護理人員，而係誠徵0至3歲嘅BB職員，以仲未學講野為佳！
「もやい聖友會」護老院入面大約有120位60歲到100歲的長者，院方希望為高齡者增添活力同埋帶來歡樂，特地招募0至3歲的BB同小朋友，聘請他們擔任職員。
招聘海報係咁樣寫的：
資格：0至3歲，唔太識講日文，同家長一齊返工
工作內容：響護老院內散步（但要保持社交距離）
時間：星期一／三／四／五其中一日的一小時，上午10點到下午4點心情好的時候
人工：紙尿褲兩條、奶粉沖劑兩包，媽媽的飲品券
休息時間：肚餓或眼瞓時可隨時休息，隨你鍾意
福利：集滿6個印章，贈送午睡藝術參加券
護老院表示，目前已有超過30位BB職員投入工作，唔單止令院內的長者得到慰藉，連院內的其他員工都被BB的笑顏感染到。