fbpx Web Interstitial Ad Example

50歲後有機會患白內障!白內障可以預防嗎?做好防曬、避免過度用眼 5招護眼降低患病風險

白內障係一種眼睛老化的疾病,50歲之後就有白內障風險,而女性比男性更易患上。至於 白內障可以預防 嗎?由於依個係老化而來的疾病,所以最多只能夠盡力護眼延緩其出現,而無法完全預防。

白內障可以預防

就好似年紀大了會生白頭髮、會出皺紋一樣,眼球水晶體隨住年紀會變得混濁,響65歲後,水晶體都會有一定程度的混濁,甚至有可能出現白內障。白內障通常會影響遠距離視覺、造成眩光同視力模糊,一開始或者可以透過照明或眼鏡解決模糊問題,但當白內障加劇,視力變差至影響日常生活,就需要動手術改善問題。治療白內障最有效的方法係做手術將混濁的水晶體移除,換上透明的人工水晶體。

大多數白內障都係由老化引起,所以無法預防,但可以透過以下方法延緩白內障的出現。

1. 避免眼睛在太陽下曝曬

強光同紫外線傷眼,可能增加白內障出現的機會。當在陽光猛烈的地方進行戶外活動時,建議戴帽同太陽眼鏡,避免陽光直射對眼睛造成傷害。

2. 避免過度用眼

長期過度用眼會令眼睛過勞,容易衍生出近視、白內障等眼睛疾病,加上現代人成日使用電子產品,螢幕藍光傷眼,建議每用30分鐘就休息10分鐘,減低眼睛負擔。

3. 多攝取護眼營養素

維他命A、C、E、胡蘿蔔素同抗氧化物質,都有助於維持眼睛健康,特別係維他命C可以減低患上白內障的機會,建議可多進食有豐富含維他命C的食物,例如西蘭花、苦瓜、番石榴等等。

4. 多飲水

眼球水晶體有35%由水組成,補充足夠水分、控制糖分吸收,有助保持水晶體健康,降低白內障發生的機會。

5. 戒煙、少飲酒

食煙飲酒會產生自由基,增加患上白內障的機會。

相關閱讀:年過50歲就會有飛蚊症?出現3大症狀馬上睇醫生!