中年男士穿搭5大原則　合身衣服＋基本色系＋時尚配件　素人大叔馬上變魅力型男

中年男士要點樣穿搭先可以展現出成熟有型嘅魅力呢？韓國「New Balance」幾年前嘅改造穿搭計劃「THE NEW GREY SEOUL」或者可以畀到你靈感！

計劃邀請了咗多位素人大叔參加，佢哋本來衣著普通毫不起眼，但經過專業造型師改造後，個個即刻變型男。雖然只係運用簡單嘅襯衫、西裝褸、斜布褲、牛仔褲等，但衣服合身加上配搭得宜，改造前後分別超大，有啲甚至認唔出係同一個人。馬上睇睇Before & After照片，睇完之後記得睇埋文末嘅中年男士穿搭5大原則呀！

中年男士穿搭5大原則

1. 衣服必須合身

有些中年男士鍾意買大一碼嘅衣服，認為著得比較舒服，但其實唔啱身嘅衫會令人睇落鬆垮垮，感覺無精神。第一大穿搭原則就係啱身，要特別注意上衣嘅袖長及肩寬，亦要注意褲嘅長度。

2. 褲係穿搭重點

對男士來說，褲子係整體穿搭嘅重點，一條褲除咗可以修飾比例之外，亦係營造質感嘅關鍵。褲子必須合身，配襯同樣合身嘅上衣可搭成I字型；或配襯略寬嘅上身衣搭成Y字型，散發簡單俐落嘅感覺。

3. 全身唔好超過3隻色

太多顏色會令人眼花繚亂，全身唔超過咁3隻色睇落會較為一致連貫，似有用心穿搭過，而唔係響衣櫃見到咩就拎嚟著。

4. 選擇藍色或大地色系

沉藍色或大地色系都係容易駕馭嘅顏色，亦有助散發沉穩嘅成熟魅力。比較穩陣嘅穿搭法係大範圍使用基本色系，再響小範圍採用比較顯眼嘅顏色。

5. 善用配件

以上唔少位男士響改造後都戴上眼鏡，時尚感大增。靈活運用配件，例如眼鏡、圍巾、背囊等，可以有畫龍點睛嘅效果。

相關閱讀：50歲以後的樂齡衣著 沉穩淡雅的黑白藍