禁區沙頭角碼頭即將開放！指定區域觀光購物、轉船去附近景點
禁區沙頭角對於大部分香港人來說一向都好神秘，但依個神秘面紗可能就快可以揭開！因為政府計劃即將開放沙頭角碼頭，方便大家搭船去鴨洲、吉澳，同埋荔枝窩地質公園旅遊。
開放禁區沙頭角碼頭 方便轉船去附近景點
行政長官林鄭月娥之前出席立法會答問大會時提到，計劃今年第二季開放本身係邊境禁區的沙頭角碼頭，旅客除了可以轉船去各個景點外，仲可以響指定區域觀光購物。
而家要去吉澳、鴨洲同荔枝窩地質公園，只能夠在星期六日同公眾假期，響馬料水搭唯一一班早上九點開出的船，如果沙頭角碼頭開放的話，大家就多一個交通選擇。
周末紅日開放 確實日期視疫情而定
政府現階段仲未公佈細節，首階段開放時間要睇返疫情再決定。初步計劃碼頭只會響周末同公眾假期開放給旅遊團客，每日名額 150 個。旅行團可以響經解封的指定區域落車，然後轉船去附近景點 (鴨洲、吉澳、荔枝窩地質公園)，我們之前介紹過的荔枝窩故事館，都可以經沙頭角碼頭搭船前往。
第二階段將開放沙頭角墟
如果首階段運作良好，政府有望半年至八個月後考慮落實第二階段，響年底前開放沙頭角墟 (中英街除外)，亦會研究增設附近配套，例如停車場同巴士路線，方便市民星期一至日出入沙頭角，相信好快大家就可以見到沙頭角的蘆山真面目！
相關閱讀：樂齡朋友個個都識 沙頭角村長個女李愛