沙田櫻花2023｜又一個賞花好去處！城門河畔淡粉紅富士櫻初綻 (附地點&前往方法)

沙田櫻花2023｜響沙田城門河畔，十幾棵櫻花樹正慢慢盛開，仲要係顏色粉嫩、相當淡雅夢幻嘅富士櫻，即刻同大家分享位置同前往方法！

位於沙田嘅靠近石門一段嘅城門河畔，沿路種咗十幾棵富士櫻，雖然仲未完全盛開，花未算好多，但近睇相當漂亮，花朵呈淡粉紅色，無論係藍天定係霧中賞花都別有一番風味。富士櫻嘅花期一般係2月下旬到3月，估計3月頭之前都係賞花最佳時間。