令人急速老化的4大成因！太多糖分令人變老？年過60歲必學 預防老化你可以咁做！
年紀大會老化係正常不過嘅事情，不過點解有啲人老得好快，有啲人睇落仲好年青？以下4個令人急速老化嘅原因，或者解答得到你嘅疑問。如果唔想老得太快，不妨檢視一下自己嘅日常生活習慣，由今日開始作出改變！
1. 高糖飲食
雖然皮膚老係係正常的自然現象，但高糖飲食絕對係加速老化的原因。因為過多的糖分會令身體的膠原蛋白起變化，導致皮膚乾燥、鬆弛、暗黃等問題，仲會增加患糖尿病的風險。想預防老化，建議平日飲食要控制熱量、糖分、精緻澱粉的攝取，盡量避開精緻澱粉質 (如白方包、蛋糕、白飯等) 同埋加工食物 (如午餐肉、香腸等)，多食膳食纖維及有益腸道健康的食物。
2. 唔夠瞓
睡眠品質唔好，每日瞓唔夠5個鐘，唔單止令日間精神變差，仲會影響到長遠健康！有研究發現，睡眠不足的人免疫力較低、情緒不易受控，亦會增加患上心血管疾病、失智症同癌症的風險。
唔想急速老化，就要維持良好又有規律的作息，睡前避免使用電子產品，瞓覺時應保持室內黑暗，有需要的話可補充礦物質鈣、鎂，有助入睡。
相關閱讀：50歲睡眠時間 瞓太多或太少會影響壽命？ 65歲以後瞓5個半鐘可延緩大腦老化？
3. 完全唔做運動
唔少研究證實，相比起唔做運動嘅人，有規律運動習慣嘅人整體健康狀態比較，晚年亦較少有行動障礙，長期照護嘅花費亦較低。勤做運動可以話係預防老化嘅其中一個關鍵，做運動有心唔怕遲，從簡單的散步、急步走，到跑步、游水等有氧運動，都可以強化心肺功能，鍛鍊肌肉力量。每日做瑜伽或伸展動件，亦可放鬆肌肉。
4. 唔動腦袋
當一個人唔再動腦筋、唔再接觸新事物，衰老就會來臨，而且係心理、情緒方面嘅老化，會令人失去熱情，對咩都無興趣，甚至唔想出門。唔想變成咁，就要保持一顆好奇心，勇敢探尋新事物，報名興趣班學習新知識，同時多結交新朋友，或者會為你帶來唔一樣嘅衝擊，有新嘅人生樂趣。