白髮愈來愈多？白髮產生原因+3招對抗頭髮老化

每日照鏡都覺得白髮愈來愈多，究竟係咪人愈大就無可避免生白髮？我們日常有可以做甚麼去對抗頭髮老化呢？

毛囊萎縮 黑色素細胞減少

唔少研究都話，白髮係老化的現象，通常同遺傳、營養、壓力、自由基有關係。人大了，頭皮毛囊老化萎縮，頭髮入面的黑色素細胞逐步減少，細胞喪失分裂增生同修復能力，於是白髮愈來愈多。

見到自己成頭白髮，好多樂齡人都會去染髮，不過如果太多頻繁地染燙，有機會傷害頭皮同髮質。雖然染髮係最快捷令頭髮變黑的方法，但始終治標不治本，大家不妨試試從日常生活入手，用積極自然的保養態度，延緩頭髮老化變白。

3招對抗頭髮老化

1. 保持作息定時，降低生活壓力，避免體內產生自由基，破壞細胞、引致疾病同老化。

2. 好好保養頭皮，注意防曬、空氣污染，揀適合洗頭水，同時避免過度染燙。

3. 蛋白質、維他命B雜、維他命E同鋅等營養係毛囊的重要養分，要適當地補充。

相關閱讀：每天踮腳尖15分鐘 提升樂齡骨密度