4款增強 免疫力湯水 適合50歲以上人士!中年體力下降易攰易病?提升活力湯水 精神欠佳必飲 (附食譜)

人到中年總覺得體力無以前咁高,易攰易病,依個時候應該煲些有助增強 免疫力湯水,等自己回復體力同時提升活力。以下介紹4款湯水,唔夠時間煲老火湯的話,味噌湯都係一個唔錯的選擇。

4款增強 免疫力湯水

免疫力湯水-黃耆南瓜瘦肉湯

1. 黃耆南瓜瘦肉湯

黃耆,又名北芪,中醫稱之為「補氣之王」,可健脾提升陽氣,有助預防感冒、治癒傷口,適合工作勞累、經常精神不振人士。而南瓜可促進血液循環、改善寒冷體質,兩種食材配合起來可回復體力預防疾病。

材料:

瘦肉……… 600克
南瓜……… 1/4個
黃耆……… 1兩
紅棗……… 數粒

做法:

煲內放入所有材料同清水,大火煲滾後,轉中火再煲1.5小時,加鹽調味即成。

免疫力湯水-薑黃活力營養湯

2. 薑黃活力營養湯

薑黃的成分有抗氧化、抗發炎功效,有助提高人體免疫力,配搭洋蔥、紅蘿蔔 、青椒、黃椒這些抗氧防癌的食材,營養豐富

材料:

梅頭肉……… 1200克
洋蔥………… 1個
紅蘿蔔……… 1條
薯仔………… 2個
青椒………… 半個
黃椒………… 1個
薑片………… 數片
薑黃………… 2大匙

做法:

將梅頭肉、洋蔥、紅蘿蔔、薯仔、薑片同清水放入煲內,大火煲滾後,轉中火再煲1小時,加入青椒同黃椒再煲30分鐘,期間加入薑黃,最後落鹽調味即成。

3. 黨參節瓜烏雞湯

黨參生津益氣,節瓜正氣且營養豐富;烏雞有滋陰清熱、補肝益腎功用,脂肪較一般雞隻少;加上桂圓滋補,養血安神,成個湯水補而不燥。

材料:

節瓜 (去皮)………… 600克
黨參………………… 30克
圓肉………………… 10粒
烏雞 (去皮去骨)…… 半隻
冬菇………………… 5粒

做法:

煲內放入所有材料同清水,大火煲滾後,轉中火再煲1.5小時,加鹽調味即成。

免疫力湯水-味噌豬肉湯

4. 豬肉味噌湯

如果唔夠時間煲老火湯的話,味噌湯都係個唔錯的選擇。味噌係由黃豆發酵,含有鐵、鋅、銅、錳、硒 5種礦物質,同埋9種必需胺基酸,具抗氧化功效,可以清除令人生病的活性毒素,提升免疫力。

材料:

薄豬肉片……… 80克
白蘿蔔………… 100克
紅蘿蔔………… 50克
日式高湯……… 2杯
味噌…………… 50克

做法:

除味噌外,將所有材料放入煲內,以大火煲滾,直到蔬菜變腍後,熄火。加入味噌慢慢攪拌,直至味噌溶解。味噌不耐熱,煮太耐會令香味揮發,只剩鹹味,所以要響熄火後先加入。

相關閱讀:40歲後免疫力下降!預防新冠肺炎 中年增強抵抗力 7大方法:補充水分、注意保暖、調節腸道健康…