賞花好去處｜天水圍公園繡球花盛開 輕鐵站步行5分鐘可到 (附前往方法)
香港最近好多地方都成為賞花熱點，就好似天水圍公園咁，就有一片顏色繽紛嘅繡球花海，真係點影都靚！
依片繡球花位於天水圍公園內，由天水圍輕鐵銀座站步行5分鐘左右就去到。公園入面嘅繡球花顏色豐富，有紫紅色、淺粉色、淺藍色、淺紫色，約100朵繡球花整齊排列，一眼望過去相當夢幻。
香港嘅繡球花季一般都喺春末初夏，2月就有咁大片繡球花比較少見，所以唔少網友都擔心繡球花會好快凋謝，想趕快趁花朵仲係最佳狀態時去打卡，而有網友 (2月1日) 早前去影靚相，表示繡球花已經有少少凋謝，如果想去睇就要盡快喇！
另外，將於3月舉辦嘅香港花展都係以繡球花為主題，鍾意繡球花嘅島友到時又有機會影靚相！
天水圍公園
地址：元朗天水圍天瑞路6號
開放時間：24小時開放
前往方法：
由天水圍港鐵站出發 – 輕鐵705，706
由元朗港鐵站 – K74 (班次較疏)
電話： 2445 5805