有幾多錢先可以提早退休？「4%黃金法則」退休金計算
如果想提早退休，一定要有清晰的退休金計算方式，確保晚年有夠錢用。美國財務顧問William Bengen在1994年就提出「4%黃金法則」，大家不妨跟住計一計要有幾多錢先可以退休。
4%黃金法則 退休金計算公式
「4%黃金法則」係用來計算要有幾多錢先可以退休。
退休金計算公式：每年生活費 ÷ 4%
例子：假設退休後每年生活費為100萬，100萬除以4%後，等於2500萬。換句話說，根據依個法則，只要儲到2500萬就可以退休了。
當然，每年生活費100萬只係假設，大家可以按自己情況，推算每年開支，同埋計下有幾多年退休生活要過，就會知道自己大概要需要儲幾多錢來準備日後生活。如果你現有積蓄的4%已經足夠維持一年開支，恭喜你！你應該算係財務自由，可以諗退休了。
退休後靠投資創造收入
依個4%法則係Bengen追蹤近30年美國股市大盤回報率得出的結論，他發現每年平均回報大概係7-8%，如果扣埋2-3%通脹後的年報酬率，就係5%左右。他提出，如果一個人一年只用積蓄中的4%，同時繼續投資創造收入，因為每年平均會有5%報酬，而開支只係4%，所以就唔需要擔心會動用到積蓄之餘，仲有機會創造更多收入 (前提係投資達到一定回報)。
「4%黃金法則」提出至今已經差不多30年，有人靠跟隨法則成功提早退休，但也有人認為不切實際，對未來變數考慮得唔夠周詳。你又點睇呢？