香港女性長壽達88歲，女性退休要比男性更早規劃！每月3成人工做中長線投資
香港人係全球最長壽的地方之一，而女性又比男性長壽 ，平均可達88歲，假設65歲退休，都仲有23年要過。考慮到「長壽風險」，女性退休應該要比男性更早做好規劃。
女性長壽 長照費用高
根據世界衛生組織估計，每個人一生中平均需要長期照護的時間係7至9年，男性平均需要6.4年，而女性更長達8.2年。女性響65歲以後喪失工作、生活能力的機率比男性高，加上已婚女性的年紀一般都比老公細，而平均年齡又比老公長，所以好有機會響喪偶後要經歷一段長時間的獨身階段。女性響規劃退休時，要留意準備充足的長期照護費用。
女性退休規劃醫療保險 應對婦科病
女性長壽之餘，仲可能要面對唔同的婦科病，亦有乳癌、子宮頸癌等女性獨有的疾病，為減輕將來醫療負擔，應該將醫療保險列入規劃考量。唔少人認為醫療保險唔需要響年輕力壯時購買，等到臨近退休先諗都未遲，不過健康狀況難以預料，尤其40至50歲係婦科病的好發期，發病率高，如果一旦出現問題先開始考慮醫療保險，到時就算願意付較高的保費，都未必可以成功投保。所以趁身體仲未出現任何狀況時，應該及早了解相關資訊同購買啱自己用的保險產品。
另外，購買保險後都需要定期檢視保單，隨住政策改變、醫療科技進步，睇下有無需要調整保單內容，而適時填補有機會產生的醫療費用。
每月用3成人工做中長線投資
女性較長壽，代表退休後生活時間較長、長照需求較大，需要更多金錢來維持舒適的退休生活，所以應該比男性更早規劃退休理財。響仲未退休之前，一定要計好每月個人開支，維持穩定的儲蓄同投資習慣，作為未來生活之用。
如果情況許可，可以利用三成人工來做中長線投資。中線方面，做好5至10年規劃，儲蓄保險、投資產品都係考慮之列，但最重要係按自己的風險承受能力而定，千祈唔好太過急進，定時檢視成果同調整策略。
長線方面，最簡單就係管理好強積金。通脹加劇的情況下，可預見只靠僱員同僱主每月各供入息5%並唔足夠，大家可以考慮每月多供5%，增加一半退休儲備。另外，亦可考慮加入「可扣稅自願性供款」，可以增加退休儲蓄之餘，又可以扣稅，一舉兩得。