湯水

前日去藥材店上貨嘅時間，店主哥哥推介左佢新出嘅入秋湯包俾我，話除咗祛濕健脾補氣血之外，仲可以滋潤補肺，啱晒依家轉天氣飲嘅。

早幾日去買藥材店入貨時，當我買石斛時店主姨姨就教我加紅蘿蔔同杞子一齊煲，既可係準備轉天氣的時候打好個底，又可以明目護眼嘅功效。

日月魚補眼，今次就簡單啲買包現成清補涼湯包，再加埋日月魚同粟米、杞子等，好適合眼乾眼澀人士同近視加深嘅人飮用，等雙眼立即變得精精靈靈。

宅在家想飲湯，咁就當然係睇下屋企有啲咩材料就用盡佢，好在之前都買定啲煲湯料，再加埋前日買左兩條粟米，咁就夠晒煲返個粟米雪耳淮山瑤柱湯，健脾胃之外，又可以潤潤肺！

依排個人成日都好攰好攰，感覺周身唔舒服咁，可能係晚晚開冷氣瞓又成日飲凍嘢，所以令到體內濕氣重所影響。

天氣真係攪到人好悶熱，經相熟藥材店主姐姐推介，所以就嚟煲返個既可以利水袪濕、消除暑氣，同埋健脾固腎嘅冬瓜消暑袪濕茶啦！

今晚奶奶嚟食飯，緊係要煲啖靚湯俾佢飲 (間唔中都要扮下乖嘅..哈哈)，咁主角就當然係佢鐘意飲嘅青木瓜，之後我就簡單啲加埋百合、蓮子同雪耳，嚟返一個健脾潤肺又勁滋潤嘅靚湯啦！

行街市買餸時，相熟菜檔姨張極力向我推介大大粒嘅節瓜，俾佢講講下又想飲節瓜湯，就係咁就買兩大粒肥嘟嘟嘅節瓜，再加一個紅蘿蔔嚟煲日月魚湯。

屋企仲有一份蟲草花同姬松茸，咁依兩類食材都係超啱依家嘅情況飲嘅，所以就當然唔洗諗，加埋螺片、栗子、紅蘿蔔同埋粟米，快快手煲依個好飲得嚟又有益氣健脾，最重要係有助增強免疫力嘅靚湯啦！

依家天氣就緊係要煲多啲祛濕湯，一星期煲一次人都無咁易倦。上次牛大力土伏苓就勁左啲啲 (按此重溫)，所以今次就簡單啲煲返個好飲得嚟又可以當餸食嘅煲蓮藕栗子赤小豆扁豆豬骨湯啦！

話說新年入咗新界錦田拜年，就係咁就帶咗一個超級新鮮嘅紅菜頭返屋企，咁新鮮就當然唔好浪費，即刻買齊材料煲返個紅菜頭雜菜湯啦！

依排天氣都總係帶點點潮濕，依啲天氣又真係好容易令人皮膚搔癢，而且又會成日都好似易倦兼腰痠背痛，所以今日去街市買材料煲時，店主就介紹我煲依個牛大力土伏苓粉葛豬骨湯啦！